Gemeentegedicht: A37 – Veenhuzerwiek1

Barger-Erfscheidenveen

Dit laand, dat zo gebruukt deur mèensenhaand,

de leegte en de ienzaomheid ontzegd is, langs rechte lienen van de wallekaant van vaort en raai en wieke blootlegd is. Dit laand, dat zien verleden pries mus geven, en bijkaans rapper ok zien toekomst al. En dat, armoedig in een neier leven, onder het asfalt weer verdwienen zal. Dit laand, dat nou allent nog rechtuut giet, het gaon en kommen van seizoenen kwiet, waor leven enkel nog de vluchtstrook blef. Asof hier iens, onschuldig an de tied, gien haand de turven steuk, gien ploeg de eerde breuk. © Anne Doornbos © www.gemeentedichteremmen.nl

Auteur

Redactie